• Янгиликлар
• 17:25 27.01.2025
• 107
• Очиқ мулоқот

Халқ депутатлари Наманган вилоят Кенгаши раиси Солижон Мўминов Янги Наманган туманида бўлиб, Халқ депутатлари Янги Наманган тумани Кенгаши фаолияти билан танишди. Тумандаги 20 та округдан сайланган депутатларнинг ҳамда туман Кенгашининг 2025 йилдаги вазифалари ва режалари муҳокама этилди.

Шунингдек, маҳалларда одамларни қийнаб келаётган муаммоларни “Маҳалла-Кенгаш-Сенат” тамойили асосида ҳал этиш имкониятлари кўриб чиқилди. 

Кенгашнинг доимий комиссия раислари билан мулоқот ўтказилиб, Кенгашда қабул қилинадиган қарорларнинг таъсирчанлигини ошириш, аҳоли муаммоларини ечишда ижро органлари билан яқиндан ҳамкорликни йўлга қўйиш бўйича тавсиялар берилди. 

Кенгашда рўйхатга олинган партия депутатлик гуруҳлари томонидан Кенгаш сессияларида кўриб чиқиш учун киритиладиган масалаларни ҳар томонлама пухта ўрганиш ва Қонуний таъсирчан қарорлар қабул қилиш бўйича фикр-мулоҳазалар билдирилди.

Янги Наманган тумани ҳокимлиги
Ахборот хизмати