• Янгиликлар
• 13:40 27.08.2025
• 89
• Иқтисод ва молия

Янги Наманган туманидаги “Sifat tikuv servis” МЧЖ 2012 йилда ташкил этилган бўлиб, ҳозирда 45 нафар ходимни иш билан таъминлаб келмоқда. Корхона “Nazzaro” бренди остида эркаклар учун замонавий услубдаги кийим-кечаклар ишлаб чиқаришга ихтисослашган.

“Sifat tikuv servis” экспорт ҳажмини 250 минг долларга етказмоқчи

Янги Наманган туманидаги “Sifat tikuv servis” МЧЖ 2012 йилда ташкил этилган бўлиб, ҳозирда 45 нафар ходимни иш билан таъминлаб келмоқда. Корхона “Nazzaro” бренди остида эркаклар учун замонавий услубдаги кийим-кечаклар ишлаб чиқаришга ихтисослашган.

Ўтган 2024 йилда корхона Тожикистон Республикасига умумий қиймати 150 минг АҚШ долларига тенг маҳсулот экспорт қилган. Жорий йилда эса ушбу кўрсаткични 250 минг долларга етказиш режалаштирилган. Шу билан бирга, ички бозорга 700 миллион сўмлик маҳсулот ишлаб чиқарилган бўлса, йил охиригача бу рақам 1 миллиард сўмга етказилиши кутилмоқда.

Бугун туман ҳокими корхонада бўлиб, тадбиркор билар мулоқот қилди. Суҳбат давомида тадбиркорга экспорт ҳажмини ошириш, янги бозорларга кириш ва ишлаб чиқариш салоҳиятини янада ривожлантириш бўйича зарур тавсиялар берилди.