• Янгиликлар
• 11:55 05.02.2025
• 76
• Иқтисод ва молия

Янги Наманган туманида ривожланиш ва қурилиш ишлари давом этмоқда.

Туманнинг “Маънавият” маҳалласидан жой олган янги турар-жой мажмуаси нафақат ҳудуд инфратузилмасини мустаҳкамлайди, балки кўплаб оилалар учун янги ва қулай ҳаёт тарзини ҳам яратади.

“Ровустон қурилиш” масъулияти чекланган жамияти томонидан қурилаётган бу замонавий турар-жой мажмуаси 5 та 6 қаватли бинодан иборат бўлиб, ҳар бир бинода 2 та подезд ва жами 200 хонадон мавжуд. Ҳозирда қурилиш ишлари якуний босқичга кириб, яқин кунларда янги хонадонлар ўз эгаларига топширилиши режалаштирилган.

Бу каби замонавий уй-жойлар фуқароларнинг ҳаёт сифатини оширишда муҳим аҳамият касб этади. 

Янги Наманган тумани ҳокимлиги
Ахборот хизмати